رواية السبع بنات بقلم اية عبدو(كاملة)2
ابني المطيع وعمرك مكسرتلي كلمه جاي دلوقتي تكسرها
بدر : أنا مكسرتش كلمتك يابابا والدليل اهو اني سيبت البنت الوحيده الي حبيبتها
عزيز : أنا سألت عنها منكرش أنها مودبه كويسه بس مش دي الي حتليق بمستواك يبني
نرمين : يابني ايه بس عاجبك فيها تعالي اجوزك احسن منها واجمل واغني
بدر : مش عاوز الغنيه ولا الجميله مش عاوز غيرها
عزيز : طيب انا عاوز اشوفها
نرمين : انت بتقول ايه ياعزيز معني انك تشوفها يبقي توافق علي حالتها الي قالك عليها بدر
عزيز : أسكتي يانرمين حتجيبها يابدر
بدر : طبعا
عزيز : طيب بكره اعزمها علي العشا
بدر بابتسامه : ماشي يابابا
عزيز : يلي يانرمين عشان ننام
نرمين : تصبح علي خير ياحبيبي
بدر : وانتي من أهله
سايق قصي بسرعه چنونيه وكأنه يود الوصول في١٠دقايق قلبه يدق بشده ماذا سافعل عندما اقابلها ااعاقبها علي هروبها ام ااعاقبها علي خوف قلبي عليها :
فاق ذكريا من نومه
ذكريا : وصلنا فين ياقصي
قسي.....
ذكريا : قصي مبتردش ليه ..قصي انت باصص فين حاسب.. حاسب
صباح يوم جديد ذهبت الي كليتها وانتهت من محاضراتها ثم ذهبت الي مكتب قصي لتشكره علي مساعدتها فأخبرها العامل أنه لم ياتي اليوم
خرجت من الجامعه متوجها إلي المكتب
دخلت فلم تسمع صوت أحد
جليله : السلام عليكم
مها : وعليكم السلام
جليله : هو محمد فين
مها : هو يظهر كده مش موجود
جليله : اه طيب ممكن استناه يبنتي لحسن جايه من مشوار بعيد وشايله حاجات
مها : اكيد طبعا عنك ياحجه
جليله بابتسامه : ربنا يسعدك انتي بتشتغلي هنا
مها : اه
جليله : سكرتيره
مها : لا أنا محاميه
جليله : مشالله
قطع حديثهم دخول محمد : مها انتي جيتي أنا جبتلنا سندوتشات من عم حسن انما ايه عنب
سكت محمد عندما راي والدته : ماما جيتي امتي
مها : والدتك أنا اسفه افتكرتك زبونه
جليله : ههههه ولا يهمك يابنتي وانت ياولد قلتلك١٠٠مره تبطل اكل الشارع ده
محمد : حاضر ياحبيبتي
جليله : طيب انا جبتلك الغدا كل بقي انت ومها
مها بابتسامه : شكرا ياامي
جليله بابتسامه : العفوا يابنتي ماشالله عليكي زي القمر
مها : شكرا
جليله : سلام بقي
محمد : اوصلك ياامي
جليله : لا خليك ياحبيبي
محمد : طيب خلي بالك من نفسك .اوبا أنا شامم ريحه محشي يلي عشان ناكل
ابتسمت مها علي بساطته واتجهت معه الي مكتب
محمد : يلي كلي دي اكل امي تحفه انتي مكثوفه
مها : لا ابدا
بدأت مها تاكل هي ومحمد
بالخارج كان يبحث عن مكتبها فحاول أن يتصل بها فتليفونها مغلق عرف من قصي من بدري مكان شغلها الجديد ركن سيارته أمام المكتب ثم دخل فلم يجد أحد :
بدر : ايه دي مفيش حد ولا سكرتير ولا اي حد اساله فجاءه سمع اصوات بالداخل ففتح الباب
محمد : أستاذ بدر
الټفت مها عندما سمعت اسمه
بدر بغيظ عندما رائها تاكل معه : اسف يظهر جيت في وقت مش مناسب
محمد : ابدا يافندم اتفضل مها زملتي..ودي أستاذي بدر كنت بدرب عنده في مكتبه
مها : ازي حضرتك يااستاذ بدر
بدر بغيظ : الحمدلله
محمد : انتو تعرفوا بعض
مها : اه أنا كنت بدرب عنده في الاول قبل ماجي هنا
محمد : اه. طيب اتفضل يااستاذ بدر
بدر : معلش مره تانيه ممكن بس لو سمحتي دقيقه ياانسه مها
مها : حاضر اتفضل بعد اذنك يامحمد
خرجوا سويا متجهين الي سيارته ركب وهي بجواره :
مها : خير يااستاذ بدر في حاجه
بدر : علي الله تكوني مبسوطه هنا
مها : الحمدلله تمام
بدر : مهو لازم يكون تمام مش بتضحكوا وتهزروا وبعد اذنك يامحمد دنتي عمرك مندتيني باسمي
مها : طيب
بدر : هو ايه طيب دي كمان
مها : أستاذ بدر حضرتك مقولتليش كنت جاي ليه
بدر : كنت عاوز اردلك العزومه
مها : عزومه ايه
بدر : هو انتي مش عزمتيني في بيتك أنا كمان حابب اعزمك في بيتي
مها : بمناسبه ايه
بدر : عادي حابب اردلك العزومه وكمان بابا كمان عاوز يشوفك
مها : يشوفني ليه
بدر : في ايه يامها قولي من الاول انك مش عاوزه تيجي وخلاص مش حزعل
مها : لا ابدا خلاص أنا حاجي
بدر : خلاص حاجي اخدك من البيت باليل
مها : ماشي بعد اذنك
بدر بابتسامه : مع سلامه
ذهبت الي المستشفي ومعها ايه بعدما اتصلوا بها من المستشفي ليخبروها بحاډث قصي وذكريا...
احلام : لو سمحت الاتنين الي عملوا حاډثه يبني فينهم..
الاستقبال : اطلعي الدور الي فوق ياامي
اتجهت احلام الي حيث وصفلها موظف الاستقبال وقفت عند غرفه فدخلت إليها
ممرضه : ممنوع الدخول لو سمحت
احلام : يابنتي أنا عاوزه اشوف ولادي
ممرضه : مين هما
احلام : الشابين الي عملوا حاډث قصي وذكريا
ممرضه : اه في واحد نقلناه اوده عاديه إصابته خفيفه والتاني لسه في العنايه
احلام : ايه مين فيهم
جالسه في البيت لا تعرف ماذا تفعل اتصلت بمحمود
احلام : محمود يبني
محمود : ازيك ياحماتي
احلام : الحقني يبني قصي وذكريا عملوا حاډث وهما في المستشفي وانا لوحدي ومش عارفه اصرف
محمود : أنا جيلك حالا ياخالتي متقلقيش انتي في البيت
احلام : ايوه يبني
محمود : مسافه السكه
اميره بلهفه : مالها ماما يامحمود
محمود : اجواز اخواتك عملوا حاډثه
اميره : استر يارب أنا جايه معاك
محمود : اميره اعقلي مش حينفع تخرجي ادم نايم وانتي اصلا تعبانه
اميره : وحياتي أنا بخاف اقعد لوحدي في الفله دي
محمود تخافي من ايه بس طيب البسي بس علي مهلك
اميره : حاضر
انتهت اميره من اللبس
محمود : خلصتي أنا حشيل ادم يلي
اميره : يلي
محمود : استني نسيت اخد فلوس
اميره : طيب .ايه كل الفلوس دي
محمود : عشان مصاريف المستشفي
اميره : ربنا يخليك ياحبيبي
محمود : طيب يلي
وصل محمود بتاكسي أمام منزل احلامركبت معهم ثم اتجهوا الي المستشفي :
محمود : متقلقوش انشالله حيبقوا كويسين
اميره : يارب
احلام : اميره اتصلي بتقي
اميره : تقي مين
احلام : الي كانت جارتنا
اميره : اه ..ليه طيب
احلام : عشان اكلم اخواتك
اميره : اخواتي مين وايه وداهم هناك
احلام : يوه اسالتك كتيره اتصلي وخلاص بقي وادهاني
اميره : حاضر بتصل اهو ..اهو ردت الو معاكي اهي
احلام ازيك يابنتي ممكن اكلم اروي
اروي : الو ايوه ياماما ازيك ياحبيبتي
احلام پبكاء : اروي هاتي اختك وتعالي بسرعه صي وذكريا في المستشفي
اروي : ايه الو ماما ذكريا حصله حاجه
اسيل : اروي ماله ذكريا يااروي
اروي : ذكريا وقصي في المستشفي
اسيل : ايه لا مستحيل اديني اكلم ماما
اروي : الخط قطع أنا حروحلهم
اسيل : أنا جايه معاكي
واقفه أمام النافذه ماسكه موبيل اقترب منها احمد حاضنها بزراعيه :
احمد : بتكلمي مين ياروحي
اسيا : بكلم ماما تليفونها مغلق
احمد : عادي ياحبيبتي ممكن يكون شبكه متقلقيش
اسيا : هو احنا امتي حنرجع
احمد : لحقتي تزهقي مني
اسيا : لا طبعا بس قلقانه مش عارفه ليه
احمد : تعالي في حضني والقلق كله يروح
أدارت اسيا وجهها عنه بخجل
احمد : يبنتي لسه بتخجلي مني
في المستشفي جالسون أمام غرفه العنايه ينتظرون خروج الطبيب :
وصلت اروي ومعها اسيل الي المستشفي بسرعه
اروي : ماما
احلام : اروي كنتو فين
