رواية ليله زفاف(كاملة)

العمل لوليد مرة أخرى من بعدها
لكن ما حدث أمام الجميع ليس له معنى آخر غير أن هذا الرجل عاشق حتى النخاع لكن هناك ما يمنعه من الاعتراف وكم يؤلمها أن تراه أمامها بحالته تلك
تويا لم تعد موجودة لكن دعاء صديقتها الصدوقة ومؤكد أنها تعلم ما يحدث
طلبتها في مكتبها وتحدثت إليها كثيرا عن ليث وحزنه وصمته منذ غابت تويا ودعاء شعرت بصدق حديثها وهى الأخرى ترى تويا تتألم ولا باليد حيلة ولكنها الفرصة أمامهم الأن
ليث لن يتحرك ويذهب لتويا إلا إذا تأكد أن هناك رجل آخر يقترب منها اتفقا سويا على إخبار ليث بأمر خطبتها عسى أن يتحرك ........عسى أن يذهب إليها
جلست نهال ودعاء معه يراجعان أمور خاصة بالعمل حتى انتهوا بعد فترة طويلة لتهم دعاء مغادرة أنا كده خلصت يا باشمهندس .........وبعد إذنك مش هعرف أجى يوم الخميس
نظر إليها بتساؤل ليه يا دعاء مينفعش نأخر الشغل اكتر من كده انتى عارفة الوقت مش في صالحنا
معلش يا باشمهندس اصل قراية فاتحة تويا يوم الخميس ولازم أكون معاها
نظر إليها بدهشة وألم ليصيح بها بتقولى إيه
تويا مين 
تويا صاحبتى يا باشمهندس اللى كانت بتشتغل هنا
جالها عريس وهى يا حبيبتى رفضاه بس عمو محمود مصمم أنها تتجوز والله صعبانة عليا مش بتبطل عياط وقافلة على نفسها على طول
ظل صامتا قلبه ېصرخ به العدو نحوها
ېصرخ به أن يذهب إليها يخطفها من بيتها من بينهم لكنه ظل مكانه لا يتحرك عيناه تائهة

ضائعة كقلبه
أيتركها لغيره
أيظل صامتا حتى يراها ترتدى فستان زفافها لرجل غيره
افاق على لمسة نهال لكتفه بعدما ذهبت دعاء ليث .......لو بتحبها بجد بلاش تضيعها صدقنى هتندم ندم عمرك كله..........أنا متأكدة أنها بتحبك زى ما انت بتحبها روحلها .........بلاش تتضيعها بلاش يا ليث
أنهت كلمتها وغادرت لتتركه مكانه صامت ولكنه لن يظل صامت لن يظل في مكانه حتى يراها تزف لغيره
قام من
مكانه ممسكا بهاتفه يطلب رقمها بتردد ولكنه لن يتركها
تويا له وليست لغيره
دخلت تويا منزلها بعدما عادت من المشفى الذى نقلوا إليها نسمة زوجة إياد لتلد وكانت هي معها منذ ليلة أمس وأرهقت نفسها كثيرا حتى رأت طفلة أخيها التي أطلق عليها تويا كاسمها
أوصلها مالك ورحل لعمله وما أن خطتت البيت حتى سمعت صوت هاتفها أخرجته من حقيبتها لتجد رقم ليث أمامها ظلت تنظر للهاتف بتردد اتجيبه ام تتركه يبتعد من جديد ظلت في حيرتها حتى أعاد الأتصال مرة أخرى
أجابته بتردد وبصوت واهن الوو
والصمت طال وبداخله صړخة منعها ظل يستمع لصوتها باشتياق وهى تسمع أنفاسه ترهف سمعها وظل هو صامت وهى تستمع لأنفاسه دون كلمة
ليث .........أنت سامعنى
متوافقيش على العريس اللى جايلك ده بدل ما أجى اقتله
ظلت لثوانى تحاول استيعاب ما قاله بتقول ايه
عريس ايه
صاح بها غاضبا العريس اللى جايلك لو وافقتى عليه متلوميش غير نفسك يا تويا سمعانى
عقدت حاجبيها بغيظ أبعد كل الفترة الماضية وعندما يحادثها ېصرخ بها دون كلمة اشتياق وعن أي عريس يتحدث
صاحت به غاضبة عريس ايه اللي بتتكلم عنه .......ثم انت مالك ومالى اتجوز أو متجوزش دى حاجة تخصنى
انتفضت من صرخته وابعدت الهاتف عن اذنها والله العظيم يا تويا لو فكرتى بس انك تكونى لراجل غيرى لأكون مخلص عليه
لو راجل غيرى لمسك ولا حط دبلته في ايدك لاكسرله دراعه
لو عينه بصتلك لأكون مصفيها
سمعانى ......انتى ليا انا وبس فاهمة
أرادت أن تثيره أكثر وتعانده ابتسمت وهى تحاول أن يكتسى صوتها بالجدية
ليث خليك في حالك اتجوز أو لا أنا حرة
والصړخة زادت وهى من داخلها يهلل فرحا
تويا ......... والله العظيم ما هسيبك انتى مراتى فاهمة ولا لا انتى مراتى النهاردة .......بكره انتى مراتى
وده بأمارة إيه مراتك بأمارة إيه
أعاد كلمته القديمة مرة أخرى يعنى على اعتبار ما سيكون وبعدين احنا في إيه ولا ايه انا بزعق معاكى وانتى بتعاندى ليه
كتمت ضحكتها ولكن
صوت طرقات الباب قطعت حديثهم أنا هقفل دلوقتى
زعق بها متقفليش أنا معاكى على التليفون لحد ما تشوفى مين مش يمكن عريس الغفلة عشان يبقى أمه داعية عليه
ضحكت فهدأت ثورته قائلا بصوت متهدج روحى افتحى الله يخليكى وأنا على التليفون اهو
أمسكت بهاتفها واتجهت نحو الباب فتحته لتفاجئ بخالد يقف أمامها مبتسما بخبث وحشتينى يا تويا
صړخت عندما رأته أمامها يدخل ويغلق الباب خلفه ينظر إليها

برغبة في قټلها رغبة في جسدها
رغبة أن ېقتل فيها براءتها
من ألقى في السچن بسببها لن تحيا كثيرا لن يتركها تعيش
تنعم بحياتها من جديد
انت عاوز إيه اطلع بره
ظل يقترب و هي تتراجع اللى معرفتش اخده منك زمان جاى دلوقتى عشان أخذه والمرة دى لا حد هيمنعى ولا حد هيلحقك أسرعت تجرى وصوت ليث ېصرخ بها تويا ........فى إيه
صړخت ليسمعها عسى أن يلحقها
عسى أن ينقذها
الحقنى يا ليث............ الحقنى يا ليث
وانقطع الاتصال وهو يجرى في طرقات الشركة بسرعة اتجه نحو. سيارته وتحرك بها بسرعة فائقة وهو يحاول الاتصال