رواية حماتي بقلم ليان محمد (كاملة)

اللى احبه
_ وانا قولتلك ماتلبسيش مش مكسوفه من نفسك وانتى
واقفه قصادى كده ادخلى البسى سدال ولا حاجه وانا هدخل اطبخ
_ ماما انا هطبخ تقدرى تقعدى
_ لا انا اللى هطبخ لأبنى
_ ماما انا عايزه اطبخ لجوزى لأن ده بيتى
_ بيتك مين ياحببتى ده بيت ابنى وانا امه وانا هنا اللى احكم مين يعمل ايه ومين مايعملش
التفاعل_مش_اقل_من_20_كومنت_لكل_متابع_للاستمرار
_ انتى بتعملى معايا كده ليه للدرجادى بتكرهينى حرام عليكى
_ اتظبطى يابت انتى بدل مااديكى على وشك
_ بصى انا بعتبرك فى مقام امى لكن انا هرد على ابنك وهو يتكلم معاكى
_ اللى يريحك اوعى كده بقى عشان اطبخ لأبنى
حماتى 
الجزء الثاني
مااستحملتش واتصلت بمحمد يجى البيت حالا وانا مټعصبه 
محمد ساب الشغل ورجع البيت دخل لقى امه فى المطبخ بتطبخ وانا فضلت فى الاوضه مستنياه
_ خير ياماما حصل ايه
_ خير ياابنى ايه اللى جابك
_ مريم اتصلت بيا وقالت انكم اتخانقنا
_ والله يابنى مااتخانقنا ده هى مدايقه انك ادتنى مفتاح وانا يابنى هسرقكوا يعنى ولا اعمل حاجه وكمان جزاتى كمان عايزه اطبخلك وهى تزعق فيا وتقولى لا مالكيش دعوه وانا سكت وهى كمان اللى تتصل بيك وتشتكى عالعموم يابنى خد مفتاحك اهو وانا مش طالعه بيتك ده تانى
_ انتى بتقولى ايه ياماما انتى تطلعى وتدخلى هنا براحتك ده بيتك انتى
_ لا يابنى انا مش عايزالك مشاكل انا نازله بيتى اقعد بكرامتى انا كنت بعتبرها زى بنتى والله يابنى
ونزلت حماتى من البيت رغم ان محمد حاول يمسك فيها لكن هى صممت 
محمد دخل عليا الاوضه متعصب 
_ ايه اللى انتى عملتيه ده لازم تفهمى ان امى دى تطلع وتدخل براحتها وانتى مالكيش حق تتكلمى ولا تمنعيها وانتى ازاى اصلا تسمحى لنفسك تتكلمى معاها بأسلوبك الزفت ده وانتى اهلك مش علموكى ازاى تكلمى اللى اكبر منك
_ بس بقى كفايه وماتجبش سيره اهلى وبدل ماانت داخل مشحون منها كده اسمعنى الاول بدل ماتعمل معايا كده لكن لا صدقت كلامها وخلاص
_ وانتى فاكره امى هتكذب عليا مثلا
_ واضح انها عملت كده فعلا
_ احترمى نفسك بدل ماامد ايدى عليكى انتى سامعه ولا لا
_ انت حتى ماكلفتش خاطرك تسمع منى
_ هتقولى ايه
_ هقولك انها مانعانى اخد راحتى فى بيتى وخانقانى واتكلمت معايا بأسلوب مش كويس وانت كمان مديها مفتاح
_ وفيها ايه مااديها مفتاح ..بصى يابنت الناس دى امى وانتى اه مراتى على عينى وراسى بس انا مش هاجى على امى عشانك
_ لكن تيجى عليا انا عشانها
_ وانا جيت عليكى
_ انت مش شايف اسلوبك هتيجى ايه اكتر من كده متجوزه بقالى اسبوع ومش عارفه احس انى عروسه زى اى مخلوق
_ بصى انا بجد ماكنتش عارف ان الجواز مقرف كده
اټصدمت من كلمته ليا ودموعى نزلت من عينى وفضل واقف باصصلى قرب منى وخدنى فى حضنه وطبطب عليا 
_انا اسف حقك عليا مااقصدش والله بس دى امى يامريم وانا عارف انها متعلقه بيا بزياده بصى انا هاخدك وننزلها تحت وتتصالحوا
بعدت نفسى عنه 
_ انزل فين ..انا مش نازله هى اللى غلطت فيا
_ وانتى عايزه امى اللى تعتذرلك يامريم
_ لا مش عايزاها تعتذر بس انا مش نازله عايز تنزل انزل انت
محمد نزل عند والدتى فعلا ومافرقش معاه اللى انا فيه وشايف ان الموضوع عادى اتصلت باامى وفضفضت معاها وانا بعيط فضلت تهون عليا وقالتلى انها جايالى فى الطريق هى واختى
محمد حاول يصالح امه لكن امه كانت راسمه الدور قدامه
_ خلاص بقى ياماما ده مريم بتحبك قوى
_ لا يابنى مراتك مش طايقانى وانا مااحبش اكون عبء على حد شقتك مش طالعاها تانى ويبقى دى اخرتها انا اتعب واربى واكبر وفى الاخر هى اللى تاخد كل حاجه عالعموم يابنى المهم انك مبسوط معاها
_ انتى بتقولى ايه ياماما ده بيتك وانتى حقك تطلعى وقت ماتحبى وده سوء تفاهم بينكوا
_ لا يابنى ورحمه ابوك ماطالعه تانى انت عايز تشوفنى انزلى بيتى وهى بقى تطبخ براحتها وانا هبقى اكل لوحدى بقى ماخلاص انت بقيت ليها
_ لا ياامى طبعا انا هاكل معاكى وهى تبقى تنزل تاكل معانا تحت
_ لا يابنى عشان ماتزعلش
_ لا مش هتزعل انا جوزها