رواية بين غياب الاقدار بقلم نورهان العشري (كاملة)

 

مدينة القاهرة فأتاه صوت مروان الحانق على الطرف الآخر 
من حسن حظنا أني قدرت أوصل لناس أصحابي بيشتغلوا في مواقع كبيرة و خلتهم يحذفوا الصور و الخبر كله قبل ما حد يشوفه .
أطلق زفرة حاړقة من جوفه المشتعل ڠضبا خاصة حين أتاه استفهام مروان الذي لا يملك إجابته
تفتكر مين عمل كدا و أيه مصلحته معقول هيكون الحقېر ناجي وصل بيه الحال أنه يشهر بواحد مېت

عينيه التقمت إحدي السيارات التي بدت أنها تسير خلفه منذ مدة ولكنه تجاهل ذلك الهاجس و أجاب مغلولا
و يمكن غرضه من التشهير أنه يأذى الحي قبل المېت !
استفهم مروان بإندهاش
تقصد سليم 
ليه لا و خصوصا أن سليم علم عليه و بهدله لما اكتشفنا خيانته .. أنت عارفه مبيقدرش يتحكم في غضبه..
كان مجرد إحتمال ولكنه لم يكن بعيدا لذا أردف مروان بحنق
عندك حق .. وده يخلينا نعمل زي ما قلت و منعرفش سليم أي حاجه من اللي حصلت دي !
سالم بخشونة
مش سليم بس اللي مش لازم يعرف .. البيت كله .. مش عايز توتر عالفاضي .
طب وشيرين 
استفهم بخفوت فأجابه سالم بجفاء 
آخرها أنا عارفه .. وعامل حسابي .. المشكلة أكبر منها. 
تحول هاجسه إلى يقينا وهو يرى تلك السيارة تتبعه فقال بفظاظة 
أنا هعتمد عليك في حاجات كتير الفترة الجاية عايزك تصحصح .. و خصوصا مع سما . مش لازم نخسرها.. خصوصا بعد ما اعترفت لك ب اللي حصل ! 
عودة إلى وقت سابق..
مروان .. كنت . كنت عايزة أقولك على حاجه بس.. توعدني .. يعني .. إنك تفكر كويس .. قبل أي حاجه 
لون الترقب معالمه و تنبهت جميع حواسه وهو يقول 
سامعك.. 
أخفضت رأسها بخزي و انبثقت عبرات الندم من مقلتيها قبل أن تقول بلهجة تقطر حزنا
انا غلطت غلطة كبيرة أوي و ضميري مأنبني عشانها و مش قادرة أسامح نفسي 
مروان بقلب مړتعب 
بت يا سما أوعي تكوني اتجوزت عرفي 
ڼهرته پغضب
جواز عرفي إيه و زفت إيه دماغك راحت فين 
مروان بإندفاع
راحت ل حتت بنت ستين كلب لا يكون حد اتغرغر بيك 
سما بصړاخ 
الله يخربيتك هتلبسني مصېبة .. لا طبعا 
مروان بنفاذ صبر
ما تخلصي تقولي هببتي إيه سيبتي ركبي . 
سما بخفوت 
من فترة كدا قبل ما شيرين تيجي يوم لما فرح اتخانقت مع ماما و سالم وقف قدامنا كلنا وقالنا أن جنة تبقى مرات حازم . 
عينيه كانت توغل إلى داخلها بطريقة أربكتها و لكنها عزمت عن قول الحقيقة و التخلص من حمل يثقل كاهلها فزاغت بعينيها بعيدا عنه وهي تكمل 
ماما كلمت شيرين تحكيلها و هي مڼهارة فكنت متضايقه عشانها و شيرين استغلت دا و خلتني أدخل أوضة فرح و قالتلي ابعت مسدج من على الايميل بتاع الشركه للمخازن أنهم يطلعوا الشحنات فأنا خفت بس هي طمنتني وقالت لي أن دا مش هيخسر الشركه عندنا بس هيخلي سالم يعاقب فرح و أننا لازم نعمل كدا عشان قلة أدبها مع ماما..
و بعدين 
هكذا تحدث بترقب ليحثها على إفراغ ما بجعبتها حين رآها لاذت بالصمت فأكملت بصوت كان نشيجا
هي قالتلي وقتها أن دي قرصة ودن لفرح .. و أنا كنت متضايقه اصلا من اللي عملته مع ماما ف وافقتها و عملت اللي هي قالت عليه .. بس والله العظيم ندمت أوى و خفت اتكلم احسن أبيه سالم يعاقبي أو يقول حاجه تزعل ماما و بعد كدا نسيت الحوار خالص..
كانت تخفض رأسها كطفلة مذنبة تعلم فداحة جرمها ولكنها اختارت أصعب الطرق و أحسنها و هو الصدق و ليحدث ما يحدث فلم تعد تتحمل هذا الذنب 
و ايه اللي خلاك تقرري تقوليلي دلوقتي 
بشفاه مرتعشة اجابته 
لما سمعت عن المشكله اللي حصلت في الشركة افتكرت اللي حصل و ضميري انبني و مكنتش عارفه أروح أقول لمين و فجأة لقيت نفسي عايزة احكيلك ..
و التي تحكي مقدار ألمها كونها وحيدة وسط كل تلك العثرات ولكنه حاول أن يطمئنها علي طريقته حين قال 
يا زين ما اختارتي والله .. تعرفي أنا كل اصحابي بييجوا يقولولي على مصايبهم ليه بقي عشان محسوبك بير طويل مالوش قرار..
قال كلمته الأخيرة غامزا بطريقة جعلت الابتسامة تضيئ ملامحها فانتشى قلبه بذلك

و تابع يثرثر
و كمان أنا و أعوذ بالله من قولة أنا بتمتع بموهبة نادرة الوجود وهي أنني أجيد الإستماع إلى الآخرين 
رفعت أحد حاجبيها استنكارا لحديثه فأضاف بتأكيد 
اه والله مش مصدقاني ولا إيه 
تشابهت ملامحها الساخرة مع لهجتها حين قالت 
لا طبعا مصدقاك .. أنت هتقولي . 
قالت جملتها و أولته ظهرها عائدة إلى السيارة فألقى نظرة مستفهمة على ريتال و هو يقول بحيرة 
هي مش مصدقاني ولا إيه 
ريتال بتهكم 
لا طبعا ازاي متصدقكش .. وخصوصا و أنت بقالك ساعه ترغي لما جبتلنا صداع نصفي ..
اغتاظ من حديثها فقال باستنكار
و أنت جالك صداع نصفي من ايه ياللي مكملتيش ست سنين ! اومال لما توصلي خمستاشر سنه هتعملي إيه هنوديك دار مسنين