رواية حارس الارض بقلم لارا (كاملة)

بهمس ب ح ب ك..
.كانت سقعانه ..خالد بص ولقي ان بلوزتها مقطوعة..ادالها التيشرت بتاعه وبصلها بابتسامة خدى يا اخرة صبري..
لورا لبست التيشرت وبتقوله ما انت واقف بقالك اد كدا ومش ملاحظ انى بردانة..وبعدين ما انت موجود علشان تعملى اللى انا عايزاه مش كدا..
خالد بتريقة اه طبعا اصل انا الفليبينية اللى جاتلك هدية..

لورا ضحكت وهو ضحك على ضحكتها..
لورا باستفهام صحيح انت عرفت مكانى ازاي
خالد هقولك بعدين خلينا نرجع..
لورا ببراءة لا لا والنبى خلينا هنا انا مش عايزة ارجع..
خالد بخبث مش خاېفة لحسن حد يعملك حاجة
لورا بثقة انت معايا يبقى مفيش خوف..
ابتسملها بحب وهي قعدت وشدته يقعد..
لورا قولى بقا لقيتنى ازاى
خالد اصل اللى يبقى الحارس الشخصى لواحدة زيك لازم تكون عينه ف نص راسه..لورا خبطته وهو ضحك وكمل انا كنت جاى اعتذرلك على رخامتى وكنت هقولك تعالى نتمشى..طبعا ملقيتش حد ف الاوضة عرفت انك عملتى اللى ف دماغك وجيتى هنا..
لورا بفرحة بجد كنت جاي تاخدنى علشان مزعلش
خالد اه والله..لكن انتى اللى مش بتصبرى على رزقك لازم تشردينا كدا..
ضحكوا وفضلوا طول الليل يتكلموا سوا. ولورا اعتذرت لخالد عن طريقتها معاه وانها فعلا مكانتش تقصد...كملوا كلام..لحد ما سكتوا وفضلوا باصين للسما..لورا سندت دماغها على كتفه .وسرحوا هما الاتنين ف النجوم....النور بدا ينور وخالد بص على لورا لقيها نايمة خالص زى الاطفال.
حرك شعرها بعيد عن وشها وبصلها بابتسامة جننتينى..بس بحبك..ومقدرتش اتحكم ف قلبي..سامحينى يا داليا..
شالها وراح يوديها اوضتها قبل ما حد يصحى..لكن
كان فى حد بيراقبهم وصورهم كمان..خالد ډخلها ونيمها على سريرها..ولسة هيخرج مسكت ايده..
لورا بنوم خليك هنا شوية..
خالد ابتسم مش هينفع..هروح انام شوية واجيلك وننطلق سواا..لورا سابته وهو خرج..صحيت بعد كام ساعة منتعشة وحاسة انها فرحانة اووى اووى..افتكرت اللى حصل وافتكرته وهو بيقولها بحبك..ووقفت تتنطط ع السرير وتغنى..خالد كمان صحى واخد شاور وكلمها قالها انه هيستناها تحت..اخدت لورا شاور ولبست بنطلون برمودا اسود وعليه فست لونه بينك وفردت شعرها...وكانت كيوتة اووى..خالد واقف مستنيها وفجأة لقي كام واحدة اجنبية جايين ناحيته وبدأوا يتكلموا معاه..لورا نزلت وشافته واقف يضحك معاهم..لكن هو مشفهاش..سمعتهم وهما بيعاكسوه..
واحدة منهم لا انت فعلا وسيم جداا..
التانية حطت ايدها على دراعه وااو بجد عضلاتك خيال..
لورا كانت بتغلى وعلى اخرها..راحت ناحيتهم..
لورا پغضب خالد..انا جيت لكن شكلك مشغول هسبقك انا..
سابته ومشيت وهو استأذن منهم بسرعة وراح وراها..خالد بينادي عليها لكن هي ولا معبراه لحد ما مسكها من ايدها وشدها ناحيته..
خالد بابتسامة ايه العصبية دى كلها ع الصبح..
لورا مردتش عليه..
خالد بضحك انتى غيرانة من البنات ولا ايه
لورا بصتله وهغير ليه بقا ان شاء الله..هما اصلا اصلا شكلهم مش حلو وواقفين يتدلعوا وشبه الموميا كدا..
خالد ضحك على طريقتها جامد..وحب يشوف غيرتها اكتر..
خالد بخبث لا ده انا اكتشفت ان المومياوات حلوة بقاا..لانهم جامدين بصراحة..
لورا پغضب يا رب تطلعلك موميا تاكلك..انت بارد بجد..
خالد ضحك جامد لا ده انتى طلعتى غيورة اووى بقا فعلا..
لورا كانت واقفة بعيد عنه..قربت منه خطوة خطوة وبتقول وعنيها مليانة تحدى اه بغير..عندك مانع..لانك حبيبى انا وبس..محدش ليه حق يعاكسك غيرى..ولا يزعلك غيرى..انت حارسي انا وبس...
بصلها جامد وحط ايديه حواليها بحبك 
كان فى حد بردو بيراقبهم وصورهم..خرجوا وكان المفروض انهم هيركبوا يخت كلهم هما والجروب اللى معاهم..لان ده مؤتمر تعارف وكدا..فعلا طلعوا كلهم على يخت كبير..لورا وخالد مع بعض طول الوقت وبيضحكوا ويهزروا ويجروا ورا بعض..خالد سابها وراح يجيب حاجة يشربوها..كريم استغل ده وراح ناحية لورا..
كريم والله حلو اوى علاقتك بخالد ده..
لورا اعتقد دى حاجة مش تخصك..
كريم بضيق ايه اللى عاجبك فيه
لورا دى كمان حاجة متخصكش بس هقولك..عجبنى فيه شخصيته روحه شجاعته حبه كل حاجة فيه مميزة..
كريم كان متضايق جدا وراح مسك لورا من دراعها جامد وقالها پغضب بقا انا بقالى 5سنين بحبك وبتمنى منك ضحكة حتى وانتى ولا معبرانى..ويجى الغبى ده ويقدر يخطف قلبك كدا بين يوم وليلة..انا مش هسيبك لحد غيرى فاهمة..
لورا كانت بتحاول تفك ايده لكن هو ضغط على ايدها جامد..
لورا انت اټجننت يا كريم..اوعى كدا..لورا بتحاول تبعد لكن كريم ماسكها وبيقرب وشه منها وبيقولها انتى بتاعتى انا وبس..
مرة واحدة لورا فكت ايدها